Аргентина футбол ассоциацияси ноябрь ойида Марокаш терма жамоаси билан ўртоқлик ўйини ўтказиш орқали мўмайгина маблағ ишлаб олиши мумкин. Аргентиналиклар ўйин учун тахминан 10 млн доллар сўрамоқда, деб хабар беради AlbicelesteTalk. Учрашув бўладими ёки йўқми, ҳали аниқ эмас.
Октябрь ойида Лионель Скалони жамоаси иккита ўртоқлик учрашуви ўтказди: дастлаб амалдаги жаҳон чемпионлари Венесуэла терма жамоасини мағлуб этишга муваффақ бўлди (1:0), кейин эса Пуэрто-риколик рақиблар тор-мор этилди (6:0).
Эслатиб ўтамиз, Аргентина терма жамоаси Жанубий Америка саралаш гуруҳида биринчи ўринни эгаллаб, бўлажак жаҳон чемпионатига йўл олди.
