Миланнинг "Интер" клуби спорт директори лавозимида ишлаб келаётган Пьеро Аузилио клубда қолишга қарор қилди.
Италиялик мураббий Симоне Индзаги ортидан "Ал-Ҳилол"га йўл олиши мумкин эди, бу ҳақда ёзда хабар берилганди. Энди функционер ҳеч қаерга кетмаслигини узил-кесил тасдиқлади.
"Интер"да ўзимни яхши ҳис қиляпман, шартномам 2027 йилгача амал қилади. Сўнгги пайтларда мен бир нечта жуда фойдали имкониятлардан воз кечдим. "Ал-Ҳилол" таклифи? Ҳар қандай таклифни рад этиш мумкин," - дея "нерадзуррилар" спорт директорининг сўзларини келтиради журналист Николо Скира.
Пьеро Аузилио "Интер"да 2010 йилдан буён ишлаб келмоқда. У ҳозирги лавозимини 2014 йил февраль ойида эгаллаган.
