Аргентиналик собиқ ҳужумчи Серхио Агуэро Маркус Рэшфорднинг "Барселона"даги ўйини ҳақида ўз фикрлари билан ўртоқлашди.
Ла Лига гранди англиялик футболчини шу йилнинг июль ойида «Манчестер Юнайтед»дан ижарага олганди.
27 ёшли вингер Ханс-Дитер Флик жамоаси сафида 10 та ўйинда майдонга тушиб, 3 та гол урди ва 5 та голли узатмани амалга оширди.
"Рэшфорднинг "Барселона"га қўшилганидан кейинги дастлабки бир неча ойлардаги ўйинлари ҳайратланарли.
У гол уриш, ассистентлик қилишда анча сермаҳсул. У тезда мослашиб кетди", - дейди "Манчестер Сити"даги фаолияти билан танилган "Барселона"нинг собиқ ҳужумчиси Агуэро.
