"Барселона" футболчиси Маркус Рэшфорд яна бир бор ўз истиқболлари ҳақида гапирди.
Икки ҳафтадан сўнг англиялик 28 ёшга тўлади, бироқ вингернинг сўзларига кўра, ҳали чўққига чиқмаган.
"Фақат икки йўл бор - ё таслим бўлиш ёки ўз мақсадига эришиш учун бор кучини сарфлаш. Мен максимал даражага эришиш учун ҳаракат қилишни тўхтатмаслигимни биламан. Нима бўлишидан қатъи назар, ўз устимда ишлашни ҳеч қачон тўхтатмайман," - дея "Манчестер Юнайтед" тарбияланувчисининг сўзларини келтиради The Touchline.
"Барселона" Маркус Рэшфордни "қизил иблислар"дан сотиб олиш шарти билан мавсум охиригача ижарага олди. Футболчи Каталония жамоаси сафида ўнта ўйинда учта гол ва бешта голли узатмани амалга оширди.
