"Barselona" futbolchisi Markus Reshford yana bir bor o‘z istiqbollari haqida gapirdi.
Ikki haftadan so‘ng angliyalik 28 yoshga to‘ladi, biroq vingerning so‘zlariga ko‘ra, hali cho‘qqiga chiqmagan.
"Faqat ikki yo‘l bor - yo taslim bo‘lish yoki o‘z maqsadiga erishish uchun bor kuchini sarflash. Men maksimal darajaga erishish uchun harakat qilishni to‘xtatmasligimni bilaman. Nima bo‘lishidan qat’i nazar, o‘z ustimda ishlashni hech qachon to‘xtatmayman," - deya "Manchester Yunayted" tarbiyalanuvchisining so‘zlarini keltiradi The Touchline.
"Barselona" Markus Reshfordni "qizil iblislar"dan sotib olish sharti bilan mavsum oxirigacha ijaraga oldi. Futbolchi Kataloniya jamoasi safida o‘nta o‘yinda uchta gol va beshta golli uzatmani amalga oshirdi.
