Sky Sports таҳлилчилари португалиялик марказий ҳужумчи Криштиану Роналду қачон профессионал фаолиятидаги 1000-голини уришини ҳисоблаб чиқишди. Мутахассислар беш карра "Олтин тўп" соҳиби иштирок этиши мумкин бўлган терма жамоа ва клуб баҳслари сонини ҳисобга олишди.
Тахминларга кўра, португалиялик футболчи юбилей голини келаси йилнинг октябрь ойида киритади. Эслатиб ўтамиз, айни дамда 40 ёшли голеадорнинг ҳисобида 948та гол бор.
Эслатиб ўтамиз, Криштиану 2023 йилнинг январь ойидан бери Саудия Арабистонининг "Ан-Наср" клуби шарафини ҳимоя қилмоқда. Ҳужумчи ва клуб ўртасидаги амалдаги меҳнат шартномаси муддати 2027 йилнинг июнь ойи охирида тугайди.













