"Барселона" дарвозабони Марк-Андре тер Штеген ҳали келажаги борасида бир қарорга келгани йўқ. Бу ҳақда журналист Флориан Плеттенберг хабар бермоқда.

Манбага кўра, тер Штеген сўнгги миш-мишларга қарамай, ҳамон "Барселона"ни тарк этиш вариантини истисно қилмаяпти. Футболчи ҳали якуний қарорга келгани йўқ, аммо агар у қолса, мавсумнинг иккинчи қисмини захирада ўтказади. Дарвозабоннинг ўзи эса 2026 йилги жаҳон чемпионатига бориш учун ўйнамоқчи.

Жорий мавсумда 33 ёшли немис бирор марта майдонга тушмади, у оғир жароҳатидан тикланишда давом этмоқда. Унинг каталонияликлар билан шартномаси 2028 йилгача мўлжалланган.