Бразилия терма жамоаси ҳужумчиси Халкнинг эътиборсизлиги жамоадошига катта ташвиш келтирди.
Санкт Петербургнинг «Зенит» жамоаси ҳужумчиси Халк терма жамоа дарвозабони Диего Кавальерини уятга қолдирди. Яқинда бўлиб ўтган Конфедерациялар кубогида бош совринни қўлга киритган майдон эгалари кийиниш хонасида ҳам ғалабани нишонлашни давом эттирдилар.
Жумладан Халк ҳам кубокни қўлида тутганча бир нечта суратга тушди ва уни ижтимоий тармоқларга жойлаштирди. Унинг айби расмга яхшилаб эътибор бермаганида. Зеро, суратнинг орқа фонида жамоа дарвозабони Диегонинг биргина сочиққа ўралган ҳолати муҳрланиб қолганди.
Буни кеч сезиб қолган Халк суратни тезда ўчириб ташлаган бўлсада, қатор ОАВлари уни чоп этишга улугуришганди. Айнан мана шу ҳолат Диегога қимматга тушди. Расмни чоп этишга шайланган маҳаллий газеталардан бири Кавальерининг маъшуқаси — модель Даниэла Карвальядан у ҳам сочиқда суратга тушиб беришини сўраб мурожаат қилди. Бироқ, вазиятдан хабар топган фотомодел нафақат бунга таклифга рад жавобини берди, балки шарманда бўлган футболчи билан алоқани бутунлай узиб қўя қолди.