Хосеп Гвардиола "Манчестер Сити"ни жуда узоқ вақтдан бери - 2016 йилнинг ёзидан бери бошқариб келмоқда. Мутахассис нима учун ҳалигача ишлашда давом этаётганини тушунтирди.

"Сўнгги бир йил ичида биз жуда ўзгариб кетдик. Штаб ва янги ўйинчилардан ҳали ҳам энергия бор. "Барселона" ва "Бавария"да муаммо юзага келса - ўзимни четга олишимни ҳис қилганман. Бу ерда менда бундай туйғу йўқ.

Ҳозирча менда ва футболчиларда мавсумни ўтган мавсумдагидан яхшироқ ўтказиш учун энергия борлигини ҳис қиляпман. Бу менинг мақсадим. Ваҳоланки, мен ҳеч қачон ноябрь ёки декабрда у ёки бу нарсани албатта ютамиз демайман.

Кўряпманки, кўп ишларни ўтган мавсумдагидан яхшироқ бажаряпмиз. Ҳар бир ўйинда кучайиб боряпмиз. Яхшилаш учун жой бор - ва айнан шу менга энергия беради, иш ҳали якунланмагандек туюлади. Бу ҳали тугалланмаган иш. Шунинг учун ҳам бу ердаман," - деди Гвардиола матбуот анжуманида.

18 октябрь, шанба куни "Манчестер Сити" "Эвертон"ни қабул қилади.