"Манчестер Юнайтед" бош мураббийи Рубен Аморим ўз жамоаси учун топ-клубларга қарши ўйнаш осонроқ эканини таъкидлади.
Якшанба куни "қизил иблислар" Премьер-лига доирасида "Ливерпуль" меҳмони бўлади.
"Эҳтимол, биз ғалаба қозонишга мажбур бўлганимизда, бу умидлар вазифани анча мураккаблаштиради. Баъзида бундай масъулиятни уддалашимиз қийин бўлади. Балки "Манчестер Юнайтед"дан ғалаба кутилмаганда, бизга ўз футболимизни кўрсатиш осонроқ бўлар. Аммо буни ўзгартиришимиз керак," - деди Аморим матбуот анжуманида.
"Ливерпуль" - "Манчестер Юнайтед" учрашуви 19 октябрь куни Тошкент вақти билан соат 20:30да бошланади.
