"Manchester Yunayted" bosh murabbiyi Ruben Amorim o‘z jamoasi uchun top-klublarga qarshi o‘ynash osonroq ekanini ta’kidladi.
Yakshanba kuni "qizil iblislar" Premyer-liga doirasida "Liverpul" mehmoni bo‘ladi.
"Ehtimol, biz g‘alaba qozonishga majbur bo‘lganimizda, bu umidlar vazifani ancha murakkablashtiradi. Ba’zida bunday mas’uliyatni uddalashimiz qiyin bo‘ladi. Balki "Manchester Yunayted"dan g‘alaba kutilmaganda, bizga o‘z futbolimizni ko‘rsatish osonroq bo‘lar. Ammo buni o‘zgartirishimiz kerak," - dedi Amorim matbuot anjumanida.
"Liverpul" - "Manchester Yunayted" uchrashuvi 19 oktyabr kuni Toshkent vaqti bilan soat 20:30da boshlanadi.
