"Ливерпуль" клуби бош мураббийи Арне Слот ярим ҳимоячи Флориан Вирцнинг муаммолари ҳақидаги навбатдаги саволга жавоб берди.
"Байер"дан 125 млн еврога харид қилинган 22 ёшли германиялик футболчи Премьер-лига ва Чемпионлар лигасининг 9 ўйинида бирорта ҳам самарали ҳаракат қилмади.
"Футболчи бундай пулга ўтаётганда, одамлар биринчи навбатда голлар ва голли узатмаларга қарашади, аммо айтишим мумкинки, у аллақачон олти ёки еттита голли узатмани амалга оширган бўлиши мумкин эди. Унинг бироз омади келмади: жамоадошлари у яратган вазиятлардан фойдалана олишмади. Умуман олганда, 22 ёшли йигитга янги мамлакатда кўникиш учун вақт керак бўлиши, Премьер-лигадаги ўйинга мослашиш жараёни ҳақида гапирмаса ҳам бўлади," - деди Слот матбуот анжуманида.
Якшанба куни "Ливерпуль" ўз уйида "Манчестер Юнайтед"ни қабул қилади.
