"Ванкувер Уайткэпс" ҳужумчиси Томас Мюллер Бундеслигада бўлиб ўтадиган "Бавария" - "Боруссия" учрашуви ҳақидаги фикрлари билан ўртоқлашди.
Германия чемпионати 7-турининг марказий ўйини шанба куни бўлиб ўтади.
"Шундай ўйинларни соғинаманми? Менда носталгия ҳисси йўқ. Авваллари "Бавария"да бундай ўйинларни кўп ўтказганман, энди эса муҳитни ўзгартирдим. Ўтмишга назар ташласам, "Бавария"да ажойиб вақтлар бўлганини тушунаман, аммо ҳозир эътиборимни "Ванкувер Уайткэпс"га қаратганман.
Албатта, ўйинни томоша қиламан. Мен Бундеслига ўйинларида ўсганман. Албатта кўраман ва албатта "Бавария"га мухлислик қиламан," - дея 36 ёшли форварднинг сўзларини келтиради Bayern & Germany.
Томас Мюллер ўтган ёзда Мюнхен клубини тарк этганди.
