"Vankuver Uaytkeps" hujumchisi Tomas Myuller Bundesligada bo‘lib o‘tadigan "Bavariya" - "Borussiya" uchrashuvi haqidagi fikrlari bilan o‘rtoqlashdi.
Germaniya chempionati 7-turining markaziy o‘yini shanba kuni bo‘lib o‘tadi.
"Shunday o‘yinlarni sog‘inamanmi? Menda nostalgiya hissi yo‘q. Avvallari "Bavariya"da bunday o‘yinlarni ko‘p o‘tkazganman, endi esa muhitni o‘zgartirdim. O‘tmishga nazar tashlasam, "Bavariya"da ajoyib vaqtlar bo‘lganini tushunaman, ammo hozir e’tiborimni "Vankuver Uaytkeps"ga qaratganman.
Albatta, o‘yinni tomosha qilaman. Men Bundesliga o‘yinlarida o‘sganman. Albatta ko‘raman va albatta "Bavariya"ga muxlislik qilaman," - deya 36 yoshli forvardning so‘zlarini keltiradi Bayern & Germany.
Tomas Myuller o‘tgan yozda Myunxen klubini tark etgandi.













