33 ёшли немис дарвозабони Марк-Андре Тер Штеген фаолиятини Англия чемпионатида давом эттириши мумкин. Бу ҳақда TEAMtalk нашри хабар берди.
Манбага кўра, январь ойида Тер Штеген “Ньюкасл” жамоасига қўшилиши мумкин. Немис дарвозабони Англия премьер-лигасига ижара асосида ўтиши кутилмоқда. Шунингдек, унга “Тоттенхэм” ва “Манчестер Юнайтед” клублари ҳам қизиқиш билдирган.
Тер Штеген 2014 йилдан буён “Барселона” сафида тўп суради. Бел оғриғи сабабли у июн ойидан бери майдонга тушмаган.













