"Реал" бош мураббийи Хаби Алонсо Испания чемпионати ўйинларининг бошқа мамлакатларда ўтказилиши ҳақида гапирди. Аввалроқ, декабрь ойида "Вильярреал" ва "Барселона" Майамида тўқнаш келиши маълум қилинганди.
"Менинг фикрим худди икки ой олдин сўраганингиздек. Биз Майамида ўйин ўтказишга қаршимиз. Бу турнирни адолатсиз қилади, деб ҳисоблаймиз. Норозиликлар - бу яхши, чунки улар кўплаб клубларнинг фикрини ифодалайди. Бизнинг позициямиз ўзгармади," - деди Алонсо матбуот анжуманида.
Аввалроқ "Реал Овьедо" - "Эспаньол" ўйинида норозилик намойиши бўлиб ўтганди. Футболчилар старт ҳуштагидан сўнг бироз вақт майдонда шунчаки ҳаракатсиз туришди.
