"Ноттингем Форест" АПЛ учун рекорд даражадаги қисқа муддатда мураббийни истеъфога чиқарди.
Бугун клуб АПЛнинг 8-турида "Челси"дан учралган мағлубиятдан (0:3) сўнг, Анге Постекоглунинг истеъфосини эълон қилди. Австралиялик мутахассис қўл остида жамоа 6 ўйинда мағлуб бўлди ва 2 марта дуранг ўйнади.
Постекоглу клубда 39 кун ишлади. Шу тариқа, "ўрмончилар" АПЛ тарихида энг тез бош мураббийни истеъфога чиқаришди - бундан аввалги антирекордни "Кристал Пэлас"ни 77 кун бошқарган Франк де Бур ўрнатганди.
Эслатиб ўтамиз, Сэм Эллардайс 2023 йилда тайинланганидан 30 кун ўтиб, "Лидс"ни тарк этган, аммо у фақат бош мураббий вазифасини бажарувчи эди.
