Германия Бундеслигасининг 2025/2026 йилги мавсуми 7-туридан ўрин олган “Бавария” — “Боруссия Дортмунд” учрашуви якунланди. Беллашув “Арена Мюнхен” стадионида бўлиб ўтди ва мюнхенликлар 2:1 ҳисобида ғалаба қозонишди.

22-дақиқада Харри Кейн ҳисобни очиб, “Бавария”ни олдинга олиб чиқди. 79-дақиқада Майкл Олисе мюнхенликларнинг устунлигини икки ҳиссага оширди. 84-дақиқада Юлиан Брандт битта гол уриб, ҳисобни қисқартирди, аммо бу дортмундликларга очко олиш имконини бермади.

Бу ғалабадан сўнг “Бавария” 21 очко билан Бундеслига жадвалида пешқадамликни сақлаб қолди. “Боруссия Дортмунд” эса 14 очко билан тўртинчи поғонада жойлашган.

Келаси турда мюнхенликлар 25 октябрь куни сафарда “Боруссия Менхенгладбах”га қарши ўйнайди. Дортмундликлар эса шу куни ўз майдонида “Кёльн”ни қабул қилади.

Германия — Бундеслига. 7-тур
2025 йил 18 октябрь, шанба.
Бавария (Мюнхен) — Боруссия Д (Дортмунд) — 2:1
Голлар: 1:0 — Кейн (22'), 2:0 — Олисе (79'), 2:1 — Брандт (84')