Саудия Арабистони Про-лигасининг 5-тури доирасида “Ан-Наср” ўз майдонида “Ал-Фотиҳ” клуби қабул қилди. Беллашув Ар-Риёддаги “Ал-Аввал Парк” стадионида бўлиб ўтди ва мезбонлар 5:1 ҳисобида йирик ғалабага эришди.

Учрашувнинг 13-дақиқасида “Ан-Наср” форварди Жоау Феликс ҳисобни очди. 55-дақиқада “Ал-Фотиҳ” яримҳимоячиси Софиан Бендебка ҳисобни тенглаштирди. Шундан сўнг 60-дақиқада Криштиану Роналду жамоасини яна олдинга олиб чиқди — бу унинг профессионал карьерасидаги 949-гол бўлди. 68-дақиқада Феликс дубль расмийлаштирди, 75-дақиқада Кингсли Коман ҳисобни йирик қилиб олди ва 79-дақиқада Феликс хет-триги билан ўйинни якунлади.

Бу ғалабадан сўнг “Ан-Наср” 15 очко билан Саудия Про-лигаси жадвалида пешқадамликни сақлаб қолди. “Ал-Фотиҳ” эса бир очко билан 16-поғонада жойлашган.

Саудия Арабистони — Про-лига. 5-тур
2025 йил 18 октябрь, шанба.
Ан-Наср (Ар-Риёд) — Ал-Фотиҳ (Ал-Мубарраз) — 5:1
Голлар: 1:0 — Феликс (13'), 1:1 — Бендебка (55'), 2:1 — Роналду (60'), 3:1 — Феликс (68'), 4:1 — Коман (75'), 5:1 — Феликс (79')