Saudiya Arabistoni Pro-ligasining 5-turi doirasida “An-Nasr” o‘z maydonida “Al-Fotih” klubi qabul qildi. Bellashuv Ar-Riyoddagi “Al-Avval Park” stadionida bo‘lib o‘tdi va mezbonlar 5:1 hisobida yirik g‘alabaga erishdi.

Uchrashuvning 13-daqiqasida “An-Nasr” forvardi Joau Feliks hisobni ochdi. 55-daqiqada “Al-Fotih” yarimhimoyachisi Sofian Bendebka hisobni tenglashtirdi. Shundan so‘ng 60-daqiqada Krishtianu Ronaldu jamoasini yana oldinga olib chiqdi — bu uning professional karyerasidagi 949-gol bo‘ldi. 68-daqiqada Feliks dubl rasmiylashtirdi, 75-daqiqada Kingsli Koman hisobni yirik qilib oldi va 79-daqiqada Feliks xet-trigi bilan o‘yinni yakunladi.

Bu g‘alabadan so‘ng “An-Nasr” 15 ochko bilan Saudiya Pro-ligasi jadvalida peshqadamlikni saqlab qoldi. “Al-Fotih” esa bir ochko bilan 16-pog‘onada joylashgan.

Saudiya Arabistoni — Pro-liga. 5-tur
2025 yil 18 oktyabr, shanba.
An-Nasr (Ar-Riyod) — Al-Fotih (Al-Mubarraz) — 5:1
Gollar: 1:0 — Feliks (13'), 1:1 — Bendebka (55'), 2:1 — Ronaldu (60'), 3:1 — Feliks (68'), 4:1 — Koman (75'), 5:1 — Feliks (79')