Миланнинг "Интер" клуби бош мураббийи Кристиан Киву А Серия 7-туридан ўрин олган "Рома"га (1:0) қарши ўйинда ғалаба қозониш ҳақида қандай фикрда эканини айтди. Учрашув тақдирини 6-дақиқада киритилган Анж-Йоан Боннининг голи ҳал қилди.

"Футболчилар ҳар қандай мақтовга лойиқ - улар ўтган мавсумдаги умидсизликларни ортда қолдириб, яна ишга киришишди. Жамоамизнинг ўйинларга мослаша олиши билан фахрланаман. "Рома" - жуда кучли рақиб. Маҳаллий мухлисларнинг бундай қўллаб-қувватлаши билан Римда ғалаба қозониш катта ютуқ.

Биринчи бўлимда ҳақиқатан ҳам зўр ўйнадик, танаффусдан кейин эса шиддатни йўқотдик ва чуқурроқ ҳимояланишга мажбур бўлдик, аммо ҳимояланиш ва қарши ҳужумларга эътибор қаратиб, ўзимизни кўрсата олдик," - деди Киву Sky Sportга берган интервьюсида.