"Тоттенхэм" ўз майдонида АПЛ 8-туридан ўрин олган баҳсда "Астон Вилла"га ютқазди - 1:2.
Мезбонлар сафида Родриго Бентанкур ягона голга муаллифлик қилган бўлса, меҳмонлар сафида Морган Роджерс ва Эмилиано Буэндия ўз ҳисобига гол ёздириб қўйди.
"Тоттенхэм" 30 августдан бери илк марта ютқазди - ўшанда "шпорлар" "Борнмут"га ютқазганди (0:1). Шундан сўнг лондонликлар барча турнирларда мағлубиятсиз 7 ўйиндан иборат серияга эга бўлишди.
"Астон Вилла" барча турнирлар бўйича кетма-кет бешинчи ғалабасини қўлга киритди ва 12 очко билан АПЛ жадвалида ўнинчи ўринга кўтарилди. "Тоттенхэм" 14 очко билан олтинчи ўринда бормоқда.
"Тоттенхэм" кейинги турда "Эвертон" меҳмони бўлса, "Астон Вилла" ўз майдонида "Манчестер Сити"ни қабул қилади.
Англия Премьер-лигаси, 8-тур
19 октябрь, якшанба, 18:00
Тоттенхэм - Астон Вилла - 1:2
Голлар: Бентанкур, 5 (1:0). Роджерс, 37 (1:1). Буэндия, 77 (1:2)
Тоттенхэм Хотспур: Викарио, Дансо, ван де Вен, Спенс (Сарр, 86), Порро, Пальинья, Бентанкур (Джонсон, 86), Симонс (Бергвалль, 79), Одобер (Коло Муани, 79), Кудус, Тель (Ришарлисон, 60)
Астон Вилла: Мартинес, Конса, Пау Торрес, Динь (Матсен, 82), Кэш, Онана (Баркли, 82), Камара, Роджерс, Макгинн, Гессан (Буэндия, 61), Мален (Уоткинс, 61)
Огоҳлантиришлар: ван де Вен, 22. Дансо, 67
