"Tottenxem" o‘z maydonida APL 8-turidan o‘rin olgan bahsda "Aston Villa"ga yutqazdi - 1:2.
Mezbonlar safida Rodrigo Bentankur yagona golga mualliflik qilgan bo‘lsa, mehmonlar safida Morgan Rodjers va Emiliano Buendiya o‘z hisobiga gol yozdirib qo‘ydi.
"Tottenxem" 30 avgustdan beri ilk marta yutqazdi - o‘shanda "shporlar" "Bornmut"ga yutqazgandi (0:1). Shundan so‘ng londonliklar barcha turnirlarda mag‘lubiyatsiz 7 o‘yindan iborat seriyaga ega bo‘lishdi.
"Aston Villa" barcha turnirlar bo‘yicha ketma-ket beshinchi g‘alabasini qo‘lga kiritdi va 12 ochko bilan APL jadvalida o‘ninchi o‘ringa ko‘tarildi. "Tottenxem" 14 ochko bilan oltinchi o‘rinda bormoqda.
"Tottenxem" keyingi turda "Everton" mehmoni bo‘lsa, "Aston Villa" o‘z maydonida "Manchester Siti"ni qabul qiladi.
Angliya Premyer-ligasi, 8-tur
19 oktyabr, yakshanba, 18:00
Tottenxem - Aston Villa - 1:2
Gollar: Bentankur, 5 (1:0). Rodjers, 37 (1:1). Buendiya, 77 (1:2)
Tottenxem Xotspur: Vikario, Danso, van de Ven, Spens (Sarr, 86), Porro, Palinya, Bentankur (Djonson, 86), Simons (Bergvall, 79), Odober (Kolo Muani, 79), Kudus, Tel (Risharlison, 60)
Aston Villa: Martines, Konsa, Pau Torres, Din (Matsen, 82), Kesh, Onana (Barkli, 82), Kamara, Rodjers, Makginn, Gessan (Buendiya, 61), Malen (Uotkins, 61)
Ogohlantirishlar: van de Ven, 22. Danso, 67
