“Реал”, “Фейеноорд” ва Нидерландия терма жамоасининг собиқ футболчиси Ройстон Дренте инсультга учради. 38 ёшли собиқ футболчи ўзини ёмон ҳис қилганидан кейин шифохонага ётқизилгани ҳақида “Де Ребеллен” клуби ижтимоий тармоқларда хабар берди.

Унинг соғлиги табиийки, жиддий хавотир уйғотмоқда. Футболчининг оиласи тинчликка чақириб, шахсий ҳаётига ҳурмат билан муносабатда бўлишни сўради. Улар шундай шароитда унга тўлиқ қўллаб-қувватлаш ва соғайиш учун қулай муҳит яратишни хоҳламоқда.

Ҳозирда у собиқ профессионал футболчилар тўпланиб ўйнайдиган Нидерландиянинг “Де Ребеллен” клуби шарафини ҳимоя қилмоқда.