"Ливерпуль" бош мураббийи Арне Слот жамоасининг кетма-кет тўртта мағлубиятини янги чақириқ деб атади.
Кеча мерсисайдликлар АПЛ 8-турида ўз майдонида "Манчестер Юнайтед"га 1:2 ҳисобида имкониятни бой бериб қўйди.
"Ўйлашимча, мураббий доимий равишда қийинчиликларга дуч келмоқда. Энди кетма-кет тўрт марта ютқаздик - бу ҳам қийинчилик. Футбол мураббийининг ҳаёти шундай: синовлар кетма-кетлиги," - дея мутахассиснинг сўзларини келтиради "қизиллар" клуби матбуот хизмати.
"МЮ"дан учралган мағлубият "Ливерпуль" учун барча турнирлар билан ҳисоблаганда қаторасига тўртинчи мағлубият бўлди.
