"Милан" ҳужумчиси Рафаэль Леау жамоадоши Лука Модричнинг мақтовига жавоб қайтарди.
Якшанба куни Массимилиано Аллегри жамоаси "Фиорентина"ни мағлуб этиб (2:1), А Серия турнир жадвалида биринчи ўринга чиқиб олди.
"Жамоага келганидан кейин Лука мени қучоқлади ва менга ёрдам бермоқчи эканини айтди. Бундай ўйинчилар билан ўйнаш ўсишга катта ёрдам беради ва мен унинг борлигидан хурсандман. Умид қиламанки, у менга кўплаб голли узатмаларни амалга оширади ва биз биргаликда "Милан"нинг муваффақиятга эришишига ёрдам берамиз," - деди Леау DAZN билан суҳбатда.
Эслатиб ўтамиз, 26 ёшли португалиялик футболчи жароҳати сабаб мавсум бошини ўтказиб юборганди.
