Анге Постекоглу истеъфога чиқарилгач, "Ноттингем Форест"ни ким бошқариши маълум бўлди.
Инсайдер Фабрицио Романонинг маълум қилишича, "Эвертон"нинг собиқ устози Шон Дайч "ўрмончилар" бош мураббийлигига яқин турибди. "Ноттингем Форест" ва Роберто Манчини ўртасидаги музокаралар муваффақиятсизликка учраганидан сўнг, клуб Дайч билан шартномани деярли келишиб олди, у жамоани қийин даврда қабул қилишга тайёр.
"Ноттингем Форест" 8 турдан сўнг хавфли зонада қолмоқда ва турнир жадвалида 18-ўринни эгаллаб турибди. Жамоа ҳисобида атиги беш очко бор.
Эслатиб ўтамиз, мавсум бошидан буён "ўрмончилар" раҳбарияти икки мураббийни ишдан бўшатган эди.













