Журналистлар Хосеп Гвардиоладан Жанлуижи Доннаруммани жамоанинг собиқ дарвозабони Эдерсон билан таққослашни сўрашди.
Италиялик футболчи жорий мавсум бошида бразилиялик футболчининг ўрнини эгаллаганди.
"Мен сўнгги ўн йил ичида энг муҳим дарвозабонимиз бўлган Эдерсонга нисбатан ҳурматсиздек тутумни ўзимга ҳеч қачон раво кўрмайман. У ҳал қилувчи роль ўйнади, бизга унутилмас лаҳзаларни ҳадъя этди.
Аммо Доннарумма сал баландроқ, худди Холанд Агуэрога нисбатан баландроқ бўлгани каби. Жижининг узун узатмаларни қабул қилиш қобилияти бизга устунлик беради. Лекин бу фақатгина у Эдерсондан баландроқ бўлгани учун. Бошқа сабаби йўқ," - дея таъкидлади Гвардиола суҳбат чоғида.
Сешанба куни "шаҳарликлар" Чемпионлар лигасида "Вильярреал" жамоасига қарши майдонга тушади.
