Мадриднинг "Реал" клуби ярим ҳимоячиси Федерико Вальверде "Хетафе"га (1:0) қарши ўйиндан сўнг интервью берди.
Мудофаанинг ўнг қанотида ҳаракат қилган уругвайлик футболчи Винисиус Жуниорнинг хизматларини алоҳида эътироф этди. Бразилиялик футболчи учрашувнинг 55-дақиқасида майдонга тушди.
"Мураббий қанотда вингер билан алоқа ўрнатишимни, тез-тез олдинга боришимни, комбинация қилишимни сўради. Бугун кўпроқ чап қанотдан ҳужум қилдик. Ўйлашимча, Вини майдонга тушгач, биз кўпроқ вазиятлар ярата бошладик. Унинг чиқиши билан бизда бўшлиқ пайдо бўлди," - дея Вальверденинг сўзларини келтиради Madrid Universal.
Чоршанба куни Хаби Алонсо жамоаси ўз майдонида Чемпионлар лигаси доирасида "Ювентус"га қарши баҳс олиб боради.
