Шанба куни "Барселона" скаутлари Франция чемпионати 8-туридан ўрин олган "Гавр"га қарши уй учрашувида "Марсель" қанот ҳужумчиси Мэйсон Гринвуднинг ўйинини кузатишди. Ўша учрашув майдон эгаларининг 6:2 ҳисобидаги йирик ғалабаси билан якунланди. Гринвуд покер муаллифига айланди.
TBR Football хабарига кўра, 24 ёшли футболчи ўз ўйини билан "Барселона"да катта таассурот қолдирган. У "Хетафе"да ижарада ўйнаб юрган кезларидаёқ каталонияликлар эътиборига тушган ва клуб ўтган йили ҳам уни таклиф қилиш имкониятини кўриб чиққанди.
Жорий мавсумда Гринвуд барча мусобақаларда 10 та учрашувда майдонга тушиб, 7 марта рақиблар дарвозасини ишғол қилди ва 4 та ассистни ўз ҳисобига ёздириб қўйди.
