"Фулхэм" хўжайинлари бош мураббий Марку Силвага шартномани узайтириш истагини билдирган. Бу ҳақда The Athletic портали маълум қилди.
Манбага кўра, амалдаги келишувда 17,2 миллион евро миқдоридаги товон пули тўғрисидаги банд мавжуд. Сўнгги вақтларда португалиялик мураббийнинг хизматларига "Ноттингем Форест" клуби қизиқиш билдирмоқда.
Барча томонлар ижобий кайфиятда, аммо ҳозирча янги шартнома бўйича батафсил музокаралар олиб борилмаяпти. 48 ёшли мутахассис бор эътиборини жорий мусобақаларга қаратган ва эрта қарор қабул қилишни истамайди.
8-тур якунларига кўра, "Фулхэм" Англия чемпионатида ўн тўртинчи ўринда бормоқда, "Ноттингем" эса ундан 4 поғона пастда (5 очко).
