"Арсенал" бош мураббийи Микель Артета ижтимоий тармоқларда пайдо бўлган видеога изоҳ берди.
Унда жамоа ҳимоячиси Уильям Салиба “Фулхэм” устидан қозонилган ғалабадан сўнг автобусда “Атлетико” иштирокидаги баҳсни томоша қилаётгани кўрсатилган. Эслатиб ўтамиз, бугун тунда "Арсенал" "Атлетико"га қарши баҳс олиб боради.
"Мен футболчиларни бунга ундаганим йўқ. Бўлажак ўйин жуда қийин бўлишини тушунамиз, шунинг учун бу ҳақда қанчалик тез ўйлай бошласангиз, шунча яхши.
Менга футболчиларнинг бундай ташаббуси ёқади", - деди Артета журналистларга.
