Италия чемпионатининг 7-турида Миланнинг "Интер" клуби сафарда "Рома"ни минимал ҳисобда енгди. Шу тариқа, "Интер" Италия чемпионати рекордини ўрнатди - бунгача Италияда ҳали ҳеч бир клуб сафарда "Рома"ни кетма-кет беш марта мағлуб этмаганди.

Улар ўртасидаги аввалги ўйин 2024 йил 20 октябрда бўлиб ўтган, ўшанда ҳам "Интер" минимал ҳисобда ғалаба қозонганди. Бунгача эса 4:2, 2:0 ва 3:0 каби натижалар ҳам бўлган - барчаси "Интер" фойдасига, албатта.

Охирги марта "Рома" 2021 йилнинг бошида, ўнинчи январда "Интер"га ютқазмаган, ўшанда бу клублар ўзаро 2:2 ҳисобида ўйнаган.