"Порту"нинг 21 ёшли форварди Саму Агехова фаолиятини "Тоттенхэм"да давом эттириши мумкин.
TBR Football хабарига кўра, Агехова "Тоттенхэм"нинг трансфер мақсадлари қаторида бор. Футболчининг "Порту" билан шартномасида 100 миллион евро миқдорида товон пули белгиланган, аммо португал клуби ҳозирги молиявий аҳволи туфайли футболчини арзонроқ нархда сотиши мумкин.
Жорий мавсумда Агехова барча турнирларда тўққизта учрашувда майдонга тушди ва саккизта гол урди. Унинг "Порту" билан шартномаси 2029 йилнинг июнигача мўлжалланган.
Аввалроқ, "Порту" қишки трансферлар вақтида ҳужумчини сотиши даргумонлиги ҳақида хабарлар тарқалган эди.













