"Манчестер Юнайтед" майдон марказини мустаҳкамлаш вариантларини ўрганишда давом этмоқда. "Рома" ярим ҳимоячиси Ману Коне "қизил иблислар" қизиқишлари доирасига тушиб қолди, деб хабар бермоқда журналист Грэм Бэйли. Аввалроқ манкунианликлар вакиллари франциялик футболчини Премьер-лига учун жуда "хом" ўйинчи деб ҳисоблашганди, бироқ хавбек шиддат билан ўсиб бормоқда, шу боис келаси ёзда у Англия грандининг трансфер мақсадига айланиши мумкин.
Нуфузли Transfermarkt портали экспертлари Ман-у Коненинг нархини 50 млн еврога баҳоламоқда.
