"Реал" бош мураббийи Хаби Алонсо "Комо" яримҳимоячиси Николас Паснинг ўсиши ҳақида фикр билдирди.
"Албатта, Нико ўтган йили "Комо"га ўтиб, жуда оқилона қадам ташлади. Албатта, "Ювентус"нинг "Комо" билан ўйинини томоша қилдим, улар жуда яхши ўйнашди, Пас ҳам", - дея Алонсонинг сўзларини келтиради журналист Фабрицио Романо.
Романонинг таъкидлашича, Пас "Реал"нинг яқин келажакдаги трансфер режаларидан ўрин олишда давом этмоқда.
Жорий мавсумда аргентиналик 21 ёшли хавбек Италия А Серияси доирасида еттита ўйинда майдонга тушиб, тўртта гол урди ва тўртта голли узатма муаллифига айланди.
Таъкидлаш жоизки, бир йил ичида Паснинг бозор нархи 15 миллион евродан 55 миллион еврогача ошди.
