L'equipe нашри бош муҳаррири ўринбосари Жан-Филип Леклер россиялик дарвозабон Матвей Сафонов қандай ҳолатда "Пари Сен-Жермен"да яна бир имконият олиши мумкинлиги ҳақида гапирди.
"Гап мураббийлар штабининг Сафоновга бўлган ишончи камлигида эмас, гап Шевалега бўлган ишончнинг янада ортишида. Энрике ҳеч иккиланмай дунёнинг энг яхши дарвозабонларидан бири Доннарумма билан хайрлашиб, Шевалега жой бўшатди. Бу унинг шахсий танлови, жуда кучли танлов ва у Шевалега, ёш дарвозабонга вақт керак деб ҳисоблайди. Шундай экан, Сафонов яна бир имкониятни қўлга киритиши учун Шевале кўп ўйинларда гол ўтказиб юбориши ёки жароҳат олиши керак эди. Россиялик буни қабул қилиши ёки кетишини ўзи ҳал қилиши керак", - дея Леклернинг сўзларини келтиради Odds.ru.
Матвей парижликлар сафида 2024 йилдан буён тўп тепиб келмоқда. Ўтган мавсумда россиялик дарвозабон 17 та ўйинда майдонга тушиб, 13 та гол ўтказиб юборган.
