L'equipe nashri bosh muharriri o‘rinbosari Jan-Filip Lekler rossiyalik darvozabon Matvey Safonov qanday holatda "Pari Sen-Jermen"da yana bir imkoniyat olishi mumkinligi haqida gapirdi.

"Gap murabbiylar shtabining Safonovga bo‘lgan ishonchi kamligida emas, gap Shevalega bo‘lgan ishonchning yanada ortishida. Enrike hech ikkilanmay dunyoning eng yaxshi darvozabonlaridan biri Donnarumma bilan xayrlashib, Shevalega joy bo‘shatdi. Bu uning shaxsiy tanlovi, juda kuchli tanlov va u Shevalega, yosh darvozabonga vaqt kerak deb hisoblaydi. Shunday ekan, Safonov yana bir imkoniyatni qo‘lga kiritishi uchun Shevale ko‘p o‘yinlarda gol o‘tkazib yuborishi yoki jarohat olishi kerak edi. Rossiyalik buni qabul qilishi yoki ketishini o‘zi hal qilishi kerak", - deya Leklerning so‘zlarini keltiradi Odds.ru.

Matvey parijliklar safida 2024 yildan buyon to‘p tepib kelmoqda. O‘tgan mavsumda rossiyalik darvozabon 17 ta o‘yinda maydonga tushib, 13 ta gol o‘tkazib yuborgan.