"Бавария" бош мураббийи Венсан Компани Чемпионлар Лигаси мусобақасининг умумий босқичидан ўрин олган "Брюгге"га қарши ўз майдонидаги ғалабага изоҳ берди.
"Бугун яхши ўйин ўтказдик. Янада кўпроқ гол уришимиз мумкин эди. Ажойиб ўйин. Бундан ташқари, бугун кўплаб ёш футболчиларни кўрдик. Агар Карл шу руҳда давом этса, бутун мавсум давомида ўз имкониятини қўлга киритади," - деди Компани матбуот анжуманида.
Эслатиб ўтамиз, учрашув мюнхенликларнинг 4:0 ҳисобидаги ғалабаси билан якунланди. "Бавария" ҳисобида тўққиз очко бор ва жамоа жадвалда иккинчи ўринда бормоқда.
