"Бавария" спорт директори Кристоф Фройнд жамоа ҳимоячиси Конрад Лаймернинг келажаги ҳақида гапирди.
"Умид қиламизки, у ҳали узоқ йиллар "Бавария"да ўйнайди. Ҳозирда Лаймер Европанинг энг яхши қанот ҳимоячиларидан бири ҳисобланади. Бугун у ўзи учун ноодатий бўлган чап қанот ҳимоячиси позициясида яна иккита самарали узатма амалга оширди," - дея Фройднинг сўзларини келтиради журналист Флориан Плеттенберг.
Лаймер 2023 йилда "Бавария"га ўтганди. У жорий мавсумда барча мусобақаларни ҳисобга олган ҳолда 12 та учрашувда майдонга тушиб, битта гол урди ва бешта голли узатмани амалга оширди.
Лаймернинг "Бавария" билан амалдаги меҳнат шартномаси 2027 йилгача мўлжалланган. Transfermarkt маълумотларига кўра, австрияликнинг нархи 25 миллион еврога тенг.
