Лондоннинг "Арсенал" клуби собиқ устози Арсен Венгер "Ливерпуль"нинг янги юлдузлари - вингер Флориан Вирц ва ҳужумчи Александр Исакнинг ўйини ҳақида фикр билдирди.
"Баъзида футболчига вақт керак бўлади. Исак ва Вирцда истеъдод борлиги аниқ. Аммо ҳозирча улар ўзларининг энг яхши ҳолатларида эмас. Улар жамоада ўйнаши, садоқатини кўрсатиши керак, шундан сўнг ишонч пайдо бўлади," - дея франциялик мутахассиснинг сўзларини келтиради Sports Illustrated.
"Ливерпуль" кеча Франкфуртнинг "Айнтрахт" клубига қарши баҳс олиб борди. Чемпионлар лигаси умумий босқич 3-туридан ўрин олган учрашув Арне Слот шогирдларининг 5:1 ҳисобидаги ғалабаси билан якунланди.
