Яқинда Венсан Компани "Бавария" билан шартномасини 2029 йилгача узайтирди. Bayern & Germany хабар беришича, аввалги келишув 2027 йилда тугаши керак эди ва Мюнхен клуби бельгиялик мутахассисни "Манчестер Сити" ўзига оғдириб олишидан хавотирда эди. 2026/27 йилги мавсум якунида "шаҳарликлар"нинг ҳозирги бош мураббийи Хосеп Гвардиола жамоани тарк этиши мумкин. Компани испанияликнинг потенциал вориси сифатида кўрилгани сабабли, немис гранди раҳбарлари 39 ёшли мураббий билан янги узоқ муддатли шартнома тузишни мақсад қилган эди.

Венсан Компани 2024 йил ёзида "Бавария"да фаолиятини бошлаган эди. Ўтган мавсумда жамоа Бундеслигада ғолиб бўлган бўлса, жорий мавсумда барча мусобақалардаги 12 та ўйиннинг барчасида ғалаба қозонди.