Мадриднинг "Реал" клуби собиқ ҳужумчиси Хорхе Вальдано бўлажак "эл-класико"нинг аҳамияти ҳақида гапирди.
"Қаймоқранглилар" Ла Лига 10-тури доирасида ўз майдонида "Барселона"ни қабул қилади. Учрашув 26 октябрь, якшанба куни бўлиб ўтади.
"Барселона" бу ўйинга энг яхши ҳолатда келишини кутгандим. Якшанба кунги баҳс - финал. Ютқазган жамоа руҳий жиҳатдан синади," - дея Вальданонинг сўзларини келтиради Madrid Универсал.
Ла Лига чемпионлиги учун икки асосий даъвогар ўртасидаги ўйин Тошкент вақти билан 20:15да бошланади. Айни пайтда "Реал" 24 очко билан 1-ўринда, "Барселона" эса 2-ўринда (22).
