"Бавария" форварди Харри Кейн жамоа бош мураббийи Венсан Компани шартномасини узайтиргани ҳақидаги хабарга муносабат билдирди.
Аввалроқ, немис гранди матбуот хизмати мураббий билан ҳамкорлик 2029 йилга қадар узайтирилганини расман эълон қилганди.
"Компани - клубнинг муҳим қисми ва бу ерда бўлишни жуда яхши кўришимнинг асосий сабаби. Шартнома узайтирилиши ажойиб янгилик. Винни биз учун муҳим ва энди унинг бундай узоқ муддатли шартномаси борлигини билиш ёқимли," - дея Кейннинг сўзларини келтиради BILD.
Компани 2024 йилда "Бавария"ни қабул қилиб олганди. Биринчи мавсумдаёқ у клуб билан бирга Германия чемпиони бўлди ва кейин мамлакат Суперкубогини қўлга киритди.
