"Барселона" дарвозабони Марк-Андре тер Штегеннинг хизматлари Англия Премьер-лигаси клубларига таклиф қилинди. Бу ҳақда TBR Football хабар бермоқда.
Манбага кўра, каталонияликлар ўз дарвозабонини январь ойида ижарага қўйиб юборишга тайёр, шунда у ўйин амалиётига эга бўлиши ва жаҳон чемпионатига бориши кафолатланади. Таъкидланишича, тер Штегенни қўлга киритиш бўйича таклифлар "Манчестер Юнайтед", "Тоттенхэм" ва "Вест Хэм"га юборилган.
Жорий мавсумда 33 ёшли тер Штеген бел жароҳатидан тикланишда давом этаётгани боис бирор марта майдонга тушмади. Унинг "кўк-анорранглилар" билан шартномаси 2028 йилнинг ёзигача мўлжалланган.













