«Интер Майами» клуби расмий сайти орқали 38 ёшли ҳужумчи Лионель Месси билан шартнома 2028 йилнинг охиригача узайтирилганини маълум қилди.
«Бу ерда қолганимдан ва лойиҳамизни давом эттираётганимдан жуда хурсандман. Бу лойиҳа нафақат орзуйим эди, балки ҳақиқий гўзал воқеликка айланди — “Майами Фридом Парк” стадионида ўйнаш бахти. Майамига келганимдан бери ўзимни бахтли ҳис қилиб келаман, шунинг учун бу ерда фаолиятимни давом эттираётганимдан чин дилдан мамнунман», — деди Месси.
Месси «Интер Майами» сафида 2023 йил ёзидан буён тўп сурмоқда. Шу вақт мобайнида у барча мусобақаларда 82 та ўйинда майдонга тушиб, 71 та гол урди ва 37 та голли узатма берди.













