"Манчестер Сити" ва Англия терма жамоасининг собиқ дарвозабони Скотт Карсон футболчилик фаолиятини якунлади. Дарвозабон ўз қарорини шахсий ижтимоий тармоғида эълон қилди.
Сентябрь ойида Карсон 40 ёшга тўлди, у фаолиятининг сўнгги олти йилини "Манчестер Сити"да учинчи дарвозабон сифатида ўтказди. У ўтган давр мобайнида атиги бир марта майдонга тушди. 2007-2011 йилларда у Англия терма жамоасига чақирилган. Шунингдек, Скотт фаолияти давомида "Лидс", "Чарльтон", "Вест Бромвич" ва бошқа кўплаб инглиз клубларида ўйнаган.













