"Кристал Пэлас" марказий ҳимоячиси Марк Гехи келаси йили жамоасини ўзгартиради. 25 ёшли футболчининг "бургутлар" билан амалдаги шартномаси июнь ойи охирида якунига етади ва узайтирилмайди. Инсайдер Фабрицио Романонинг ёзишича, инглизга даъвогарларнинг барчаси ёзгача кутишни ва уни эркин агент сифатида ўз сафига қўшиб олишни афзал кўрмоқда - январдаги трансфер эҳтимоли кам.
"Ливерпуль" қизиқишда давом этмоқда, шунингдек, "Тоттенхэм" ва "Манчестер Сити" ҳам "Пэлас" юлдузига даъвогарлик қилмоқда. Бундан ташқари, футболчининг вакиллари билан "Бавария" аллақачон алоқада бўлган. Манбанинг таъкидлашича, Италияга кўчиб ўтиш даргумон. Ҳозирда Геҳи барча мавжуд вариантларни ўрганмоқда.
