Мадриднинг "Реал" клуби қишки трансферлар даврида ҳужумчи Гонсало Гарсия бўйича кўплаб таклифларга эга бўлиши мумкин.
Ёзда футболчи "қаймоқранглилар" сафида ўйнашни давом эттиришга қарор қилди, гарчи у асосий таркибга даъвогарлик қила олмаслигини тушунса ҳам. Журналист Экрем Конурнинг ёзишича, "қироллик клуби"нинг 21 ёшли тарбияланувчиси ҳамон бозорда харидоргир: унга Италиянинг "Милан" ва "Наполи", Англиянинг "Вест Хэм", "Астон Вилла" ва "Фулхэм," Испаниянинг "Севилья" клублари қизиқиш билдирмоқда.
Тахминларга кўра, даъвогарлар истиқболли ҳужумчи учун тахминан 20-25 миллион евро беришга тайёр, аммо "Реал" футболчини сотишни истамаяпти.
