Мадриднинг "Реал" клуби собиқ устози Рафаэль Бенитес Грециянинг "Панатинаикос" клубини қабул қилиб олди. Бу ҳақда нуфузли инсайдер Фабрицио Романо хабар бермоқда.
65 ёшли Бенитеснинг сўнгги иш жойи "Сельта" бўлиб, у клубни 2024 йилнинг март ойида тарк этганди.
Манбага кўра, бугун томонлар барча зарур ҳужжатларни имзолаган. Испаниялик мутахассиснинг клуб билан шартномаси икки йилга мўлжалланган. Миш-мишларга ишонадиган бўлсак, Бенитес Грецияда бир мавсумда тахминан тўрт миллион евро маош олади.
"Панатинаикос" олтита ўйиндан сўнг Греция чемпионати турнир жадвалида еттинчи ўринда бормоқда. Клуб ҳисобида тўққиз очко мавжуд.
